شار ع الغرام

الأرملة والمطلقة لما تحب تتجوز.. المجتمع حدد لها خيارين ارمل أو مطلق - واحد ماسبقلوش الجواز: أهلي رفضوكي قالولي البنات على قفا من يشيل. - مطلق: أنا اتعقدت م الجواز خلينا friends with benefits. - متجوز: هاتجوزك في السر مالكيش مبيت ولا تواجد ولا سفر وإرضي بالفتافيت -خرابة بيوت وخطافة رجالة-. - أرمل: سيبي عيالك وربي عيالي. - سابت العيال لابوهم: مجرمة معندهاش قلب. - مسكت في العيال: ربي عيالك، محدش هايعبرك بالاورطة دي. - مشيت شمال: هما المطلقات كلهم كدة. - مشيت يمين: محبكاها، خليكي منتظرة الحلال لحد ما وشك يكرمش. - اتجوزت أكتر من مرة : العيب فيكي لأنك مانجحتيش ولا مرة. - طورت نفسها وشكلها: عاملة فيها سترونج. - مشيت ع الحيط ونورت في الضلمة: خفيفة ومدلوقة وإرضائية عشان كدة اتطلقت. - تقلت وركزت: خنيقة ومغرورة ومسترجلة عشان كدة اتطلقت. - فرح صحبتها: بلاش نعزمها لتحسدنا. - زيارة جاراتها: بلاش نعرفها لتخطف رجلتنا. - طالبت بحقوقها: يعني مطلقة وليكي طلبات كمان دا انت مجرمة. - بسطت حقوقها: هاتجوزك شهرين ادوق وامشي. ارتقووو شوية عمر الطلاق مكان عيب.. دي انسانه قررت تتحرر من علاقه كانت هتقضي عليها.. المرأة المطلقة ليست بالضرورة إمرأة فاشلة، جايز تكون ضحية لرجل فاشل وهي ليست بضعيفه وليست بسيئه.. بعض المطلقات ربما كانت امرأة شجاعة وقوية اختارت ألا تكمل حياتها مع من يذلها ويهينها ولا يحترمها ويظلمها. ودايما اللى بيقولوا الكلام ده نسوان بصورم أو واحده بنتها بومه ومش لاقيه حد يعبرها والتانيه دى بييجى عرسان تسأل والقرده بتاعتها ف ارابيزها أو واحده شمال وعاوزة تسوء سمعت الست عشان اهداف شخصية غيرانه أو كانت عاوزاها تصاحبها وتستغلها ماتحكمش على اللى بتسمعه فكفوا ألسنتكم عنهم ولتكونوا عونا لهن للسعي في إكمال حياتهن مع من يتقي الله ويخافه.. ف خليكم ف حالكم واتركوهم وشأنهم..🧡 قول لنفسك بقى عشان بتظن السوء وربنا نهانا عنه .. إن بعض الظن إثم ..