Layla ahmed2

اني بنت ببداية العشرينات ، مسلمة سنية ، اشتغل بالعمل الحر واسوق سيارة وعندي حياتي الاجتماعية وصديقاتي ، ادرس وعندي مساعدة شخصية بالبيت ، محتشمة وصاحبة اخلاق وضمير في التعامل حتى مع العدو والحمدلله على هاي النعمة ، عندي حساب بالسوشل ميديا صاحبة محتوى مو كلش معروفة لسه ببداياتي يعني بس اطلع وجهي ولازم ميوكف بوجهي بخصوص هالموضوع ، اني بنت مو متسلطة او افرض رأيي ، لان اكيد كلامي هيج يظهرلكم ، لكن جادة واريد اذكر كل شي عني ، اني واعية بالحياة العائلية وبتربية الاطفال ، ربيت ٣ اخوة صغار الي مع امي ، احب الهدوء والسلام والتفاهم وماحب المشاكل ، ما اتقبل عدم الاحترام ابدا ولا اقلل من احترام احد حتى بوقت المشاكل والعصبية احترم المقابيلي ، اقدر كل شي يتقدم لي وما انكر الفضل ابدا ، احترم الرجل صاحب المسؤولية والمدرك لواجباته وحقوقه بالاسلام ، اني فياضة بالمشاعر ، والعقلانية بنفس الوقت ، حكيمة بحل المشاكل ، وادارة المنزل والعمل ، محبة للعائلة والاطفال جدا ، ما اتذكر شنو لازم احجي بعد ، بس المهم عندي بالحياة بأي علاقة هو حدودي واحترامي و حقوقي ، واكيد اقدمهم اني هم بشكل تام ، ما ارد على احد الا اذا شفت منه مسج طويل يحجي بأهم الامور الي اني ذكرتهن ، ما ارد على المرحبا والهلو والسلام لان الرسائل هواي كلش وللمعلومة كل شي مذكور بالحساب صحيح الا اسمي مو حقيقي