-الصبر طيب-

تونسي متغرب و بنت البلاد ما يغلى علاهة شي كي تكون تستاهل و معلوماتي في البروفيل الكل صحيحة و لسبب ما يخص هذا الموقع لا يمكن بدئ المحادثة إلى بالظغط عل ❤️ "مهتم" ❤️ -الرسائل لا يمكن الرد عليها إن لم تكن مصحوبة بالإهتمام- و على فكرة العمر بنسبة ليا مجرد رقم لا اكثر و ربي يطول أعمارنا في الخير و يكبرنا في طاعته، إنسان رياضي لا كرش خارجة و لا شحم زايد و لا مرض مزمن و هذا من فضل ربي علية و لله الحمد، إنسان قسات عليه الدنيا و لعبت و كورت بيه كيف ما حبت و ٱشتهات و ياما كليت على راسي و مجرب، إنطيح و بفظل الله إنعاود ناقف و كي تحطني في قلب الصحرة إنسمي بإسم الله و نخرج منها لباس، يعني شبعان تجارب و مواقف و إنسان جد مسؤول على قراراتي، عمري ما خفت من شي و إنقمر يا تصيب يا تخيب و في كلا الحالتين رابح شرف التجربة و ديمة برضاية والديا ربي ساترني🙏🤲 و على فكرة كنت معرس بنمساوية لاكن بحكم العادات و التقاليد و طريقة التفكير و قبل كل شي بحكم إختلاف الديانات و المبادئ ما حب يركب شي على شي و هذا كان سبب طلاقي و يمكن كنت محضوض كي ما جيتش منها صغار و في قلب بعضو الحمد الله مستور نوعا ما ماديا و مستقر مهنيا -Service Medical- و معنويا و صحيا و ربي يسهل في كل ما هو صعيب و مني الكل ولية بنت بلاد كل الإحترام و التقدير و الله المستعان و لله التوفيق من قبل من بعد ☝️🤲🙏 بإختصار إنحب بنية كبابلية، رجولية، قوية، قنوعة و ما تحسبهاش مصالح و ترمي كل شي وراء ضهرها و تعمل المستحيل باش يجي إنهار و تنجم تشدلي على يدي و تفوز بيا ك إنسان راضية عليه والديه و تكمل المشوار........ و على فكرة المشكلة موش مشكلة إنحب إنعرس كهو لا، المشكلة تكمن في بشكون تعرس و لشكون تعطي و تسلم قلبك و روحك و عذاب سنين عمرك و قبل هذا الكل بشكون تربيلك صغارك إنهار ٱخر بأصول و قيم و مبادئ و أخلاق إسلامية عربية تونسية....... اللهم أنت الذي قدرت لي الغربة، و كتبت علي الإبتعاد عن أهلي و احبتي فكن لي معينا في وحشتي و وحدتي و ٱبعث لي سندي في غربتي و املي حين تضيق بي الدنيا يا الله إن الشوق ينهش روحي و الحنين يثقل صدري فلا تجعل الغربة تكسرني و لا الأيام تضعفني و ٱمنحني الصبر في وحدتي و ٱجعل لي في كل خطوة بركة و في كل غربة حكمة و في كل ٱشتياق سكينة فأنت المعين و أنت الرحيم يا الله انت أعلم بما في قلبي و صدري فكن معي و لا تتركني و ٱجبرني جبرا يليق بعظمتك اللهم ٱمين☝️🤲🙏