Mohammed.1984

مبدئيا الكلام اللي في البروفايل اساسي بالنسبة لي و صعب يبقى فيه تنازلات و لا نقاش .. الكلام بس واضح .. لا هو قاسي و لا صعب .. و هو مجرد فروض ربنا الاساسية .. عايزة حد يضحك عليكي او يتعامل على عكس ما ربنا امر فمش انا باذن الله .. و بالذات موضوع القايمة ما فيهوش نقاش بتاتا .. تكون معرفة اهلها مبدئيا .. تكون طيبة حنينة هينة لينة في التعامل و عندها استعداد تطاوع جوزها و تسمعله و ما تعملش حاجة من غير شورته و ما تخبيش حاجة عنه و شايفة انه راجل له قوامة و مسئولية و احترام و مش شايفة انه في ده اهدار لكرامتها .. الجواز عندي مودة و رحمة و مبني عالفضل فاللي شايفة انه عادي ترفع صوتها على جوزها اصلي السيدة عائشة رفعت صوتها عالنبي مرة و لا شغل البيت فضل مش واجب او قاعدة تحسبها ورقة و قلم و حقي و حقك او اي كلام من اللي بالشكل ده بالذات اللي بتتكلم بالشرع ما يتهيأليش هنتفق .. مش عندها كبر و لا بتحب تخالف على كل كبيرة و صغيرة.. ملتزمة بدينها عارفة على الاقل الحد الادنى من شرع ربنا و بتطبقه .. محافظة على الصلوات و بالاخص صلاة الصبح في معادها.. ملتزمة بحجابها الشرعي زي ما ربنا بيقول - عندي هو خمار واسع طويل او نقاب و ما يكونش عندها ازمة لو اطلب منها تنتقب عادي- .. عندها حياء .. حاطة حدود واضحة في التعامل مع الرجالة الاغراب -لاهزار و لا ضحك و لا تساهل في الكلام و مجرد البسمة عندي تجاوز- .. مش سترونج اندبندنت و مش مشكلة بتشتغل و لا لا او بتشتغل ايه المهم انها مش ناوية تبدي شغلها على بيتها و عارفة حقوق جوزها و بتشتغل بضوابط شرعية و الشغل بالتوافق و اذا ما فيش توافق يبقى القرار النهائي للزوج .. مش حاطة شروط لبلد الاقامة و مستعدة تكون مع جوزها في اي مكان كان .. ما يكونش في اعتراض على بيت العيلة طلما شقة مستقلة و في خصوصية و التعامل في اطار الشرع - علما انه حاليا شقتي مستقلة - .. عندها استعداد تبني علاقة سليمة مع عيلتها الجديدة .. مهتمة بان ولادها يتربوا عالاخلاق و الدين و الرجولة .. مش بتطلع اسرار بيتها لايا كان و مالهاش في جروبات الفيس بتاعة الاستشارات ايا كان نوعها .. يستحسن انه ما يكونش ليها فيس اصلا لكن لو فيه صفحتها تكون جادة تماما طالما عالعام بدون صور و لا ايموجيز و لا ايموشنز و لا مجاملات و لا صور بنات -- فَلَا تَخْضَعْنَ بِالْقَوْلِ فَيَطْمَعَ الَّذِي فِي قَلْبِهِ مَرَضٌ وَقُلْنَ قَوْلًا مَّعْرُوفًا-- .. و ما تكونش بتحط صورها عالنت في اي مكان و لو منقبة يستحسن برضه ما تحطش صور و لو بالنقاب .. تكون بتتمثل ايات سورة القصص و عايزة حد كدة --وَلَمَّا وَرَدَ مَاءَ مَدْيَنَ وَجَدَ عَلَيْهِ أُمَّةً مِنَ النَّاسِ يَسْقُونَ وَوَجَدَ مِنْ دُونِهِمُ امْرَأتَيْنِ تَذُودَانِ قَالَ مَا خَطْبُكُمَا قَالَتَا لَا نَسْقِي حَتَّى يُصْدِرَ الرِّعَاءُ وَأَبُونَا شَيْخٌ كَبِيرٌ فَسَقَى لَهُمَا ثُمَّ تَوَلَّى إِلَى الظِّلِّ فَقَالَ رَبِّ إِنِّي لِمَا أَنْزَلْتَ إِلَيَّ مِنْ خَيْرٍ فَقِيرٌ فَجَاءَتْهُ إِحْدَاهُمَا تَمْشِي عَلَى اسْتِحْيَاءٍ قَالَتْ إِنَّ أَبِي يَدْعُوكَ لِيَجْزِيَكَ أَجْرَ مَا سَقَيْتَ لَنَا--.. "ملحوظة : اللي عايزة تكلمني لازم لازم تضيفني لقايمة الاهتمام عندها .. ده نظام البرنامج .. للاسف مش باعرف ارد و الناس بتزعل رغم انه موضح "