قحطانيه نجد9

الحب و المال اثنينهم يكملون بعض اذا نقص منهم واحد الثاني ما نتهنى فيه .. اللي يشوف طلباتي ماديه ف انت ماتعرف وش يعني رجال يكرم زوجته ويعيشها ملكه هي وعياله .. انا استاهل ينقالي سمي وابشري و لبيه انا في بيت اهلي عندي عامله تقوم بكل واجبات البيت و ابي اعيش الراحه هاذي في بيتي بعد .. لازم يكون عندي عامله تقوم باشغال بيتي واحنا بخير وصحه وعافيه الحمدلله انا كزوجه وحبيبه وصديقه لزوجي دوري اهتم بنفسيته وسعادته وحياته هو واطفالنا الوقت اللي يضيع بالطبخ والتنظيف هذا انا اولى فيه اهتم بنفسي واشوف حياتي علشان لما تقعد الوحده مع زوجها يكون فيها طاقه تعطيه بحب انا ابي واحد يعيشني ملكه ملكككككككه امر واتدلل واتدلع .. بيت ملك وشغاله وطباخه وسواق .. يعزني يطلعني من عز ابوي لعزه .. يلبسني الماركات والمجوهرات يعيشني عيشه كل بنت تتمناها لانه يحب يشوفني اتباهى بنفسي قدام كل البنات .. يهتم فيني يحبني ويعشقني وهمه بس سعادتي ورضاي .. انا ابي واحد يحبني ويعشقني واعيش معه كاني عايشه مع حبيبي .. يكون لي اب و اخ وصديق وحبيب وعشيق .. يشاركني تفاصيلي واشاركه تفاصيله بدون ما نحاتي واحد فينا ينقد .. يكون فله و ونيس وضحوك رقص وناسه واستهبال نتهاوش نتراضى نتضارب حتى لو نسب بعض بضحك وميانه ابي احس اني مع صديقتي وهو يحس انه مع صديقه من الوناسه بس بنفس الوقت الجانب المادي مهم .. انا ابي اطلع من عز ابوي لعزك .. تعيشني عيشه كل بنت تتمناها .. مابي رجال عالمعاش .. لا بغينا نشتري يقول نجمع .. ولابغينا نسافر يقول نجمع وقروض وديون .. ولا بغيت اكشخ واشتري يقول لي اجمعي .. انا ابي واحد يريح قلبي وروحي وحياتي .. يكون لي مأمن وأمان .. واحس معاه انه الشخص الوحيد الي مغرقني بحبه وخيره .. ابي احس وراي رجال سند و ذخر اتباهى فيه قدام الناس انه معيشني عيشه كل بنت تتمناها .. ابي اشوف بعيونه انه يحبني ويحب يخليني احسن البنات واسعدهم واكيد ابيه يحبني مايشوف غيري بهالحياه اكون ماي عينه ودم قلبه عينه ماتنحط في عين بنت غيري .. وماينومني قلقانه يبرر لي كل شي قبل اسال لانه يكره قلقي .. ابي رجال يشوف رجولته برضاي وسعادتي انا وعيالنا ابي رجال يتباهى فيني قدام الكل اني زوجته وحبيبته .. ويشوف انه من رجولته انه يعيشني ملكه ماينقصني شي ... يغرقني بحبه وخيره يشوف الدنيا بعيوني واشوف الدنيا بعيونه .. مايحط عينه بعين بنت غيري ثقيل يتعب الكل يوصل له لاني بحياته يشوفني قدام عينه وين ماراح