أمين محمد .

في التقديم المراة تزهر بي الاهتمام والعاطفة والدعم المادي الرجل ينتج بي دعم المعنوي والوثوق بيه وبي قدراتة وعدم مقارنة بي اخرين حتي اذا الاخرين نصحو نصايح مختلفة الزوجة لازم تكون وتدعم فكرة راجلها لانو الرجل كل ما دعمتو كل ما انتج والانتاج من رجل لي التاني بختلف علي حسب نظرتو للواقع ومنظورو الشخصي .ولانو كل الافكار تنتج وكل زوج ببني بيتو علي حسب نظرتو يعني مافي شي موحد فا الوثوق بي فكرة الزوج وعدم تقديم افكار الاخرين عليه دي الحاجة البتخلي الزوج ينتج وبي صورة كويسة المراة لديها الم الدورة والتقلبات المزاجية صح ونو زوجها يعرف يتعامل معاها كل حياتو وفي كل شهر الرجل برضوو لدي شي مماثل وهو ضغوطات الشغل والمسؤوليات وقد تكون من اسبوع الي اخر الرجل بي طبيعية حاله بيعرف انو المرا مابي جنسو عشان كدا مابفرض عليها طبيعتو بس المراة لا بتفرض وبتشوف انو مثلا عادي انو الراجل يبكي بس اي صح انو انحن بشر ومرات بنبكي بس ما دايما وطريقة تصرفنا مع الحزن بختلف ودا بتجي لي فهمنا لي زاتنا ولي. طبيعة النساء فا الرجل مابدخل اذا جاء لقى بت بتبكي مهما كان الحصل معاها ويقول ليها لااااا عيب اوع تبكي ماصح 😂😂😂 لانو هو عارف انو دي طبيعتها وماصح يمنعها منها بس المراة مابتقدر تشوف كدا بتشوف انو عادي وانو ممكن حتي يحاولو يساعدو راجل يقولو لي اي ابكي ممكن ترتاح من غير فهم لي طبيعتنا 1. فا بتلقي انو الفرق من زواج زمان حق جدودنا وابهاتنا والعامل الاساس انو حياتهم مستقرة اكتر من الزواج في زمنا دا هو انو مافي توقعات سوى في اختيار شريك او في العلاقة زاتها يعني كانو بتزوجو ساي او تووشك كدا زي مابقولو فا بكتشفو بعض بعد الزواج وكان اذا لقو انهم اتفقو كويس كان بيها اذا ما اتفقو برضوو كان بيها بتلقي اي واحد فيهم بقوم بي مسؤولياتهم من غير مايقيف او يقول عاوز يطلق او حاجة زي دي تمام لانو ماخدين الحياة بي صورة بسيطة عشان كدا مافي اماال وطبعا كل ما الزوول بنى اماال او توقعات كل ما بضر روحو عشان كدا جيلنا دا كلو كسر عاطفيا وانا ظلمني وكسر قلبي وانا خلتني وكدا مديين الموضوع اكبر من حجمو وبانين توقعات كبيرة شديد اتجاه الطرف التاني انو هو المنقذ وانو هو الحينتشلهم من حالت البؤس والضياع ودا طبعا ماصح ودي الحاجة العند اجدادنا انهم كانو عاديين وبس ما اكتر من كدا ومستوعبين انو الزواج دا حاجه طبيعية وما مدينو اكبر من حجمو عشان كدا كان مستقر اكتر . وبشوف انو اي زول لازم يكون بس انحن اجيالنا اجيال حشرية او بدققو في التفاصيل عشان كدا لازم يكونو واعيين عاطفيا وبي صورة كبيرة لانو هم خيارين اما تكون عادي او تكون واعي عاطفيا وكويس لو قدرت تجمع بيناتهم الاتنين . تاني سبب جدودنا كان اي زول بقوم بي دورو يعني المراء بي دورها والراجل بي دورو وكان اي زول فيهم عارف مسؤولياتو شنو وبقدمها كيف . هسي في جيلنا دا النساء بقو حشريات اكتر او متطلبات اكتر عشان كدا في الزعزعة الحاصلة في العلاقات وكثرة الطلاقات طبعا معظمها ماكلها لانو عايزة تعرف هو مشى وين وجاء من وين وقرر كدا ليه هي برضو ماعايزة تقرر ولي ما سالها وانو كانت بانيا حياتها علي الحلم الوردي وانو مفروض هو يكون فارس احلامها وينتشلها لاحظي كلمة ينتشلها دي ماعارف بس شكلو ونش ولا هي عربية ماعارف 😂😂😂 لكم بي الجد بتكون بتفكر كدا سوى عشان تعيش بي كل حب في حين انو الاستقرار هو اهم شي والراجل برضو بقت عندو توقعات انو هي الحتحضنك والكدا عشان كدا بقو بفتشو لي الاحتضان في قبل الزواج ودا الخلق الطبقة حقت المايعين ديل اشباه الرجال ولاحظي الحاجة دي بي الجد . فا سوى للرجل او المراء الولد او البت اذا اتزوجت عشان شكل اول ما تتغير حيشوفك اقبح خلق الله واذا عشان مال اول ماتضيق حتتخارج واذا عشان جمال اول تشوه الزمن حيشوف غيرك واذا عشان تعامل او ماتتغير حيكون عايز يمشي تمام وفعلا دا واقع ودا الطبيعي انو انا اشوف زول عشان انو واعي وفجاء يغلط تاني خلاص حاشك في كل قراراتو وهنا الحركة انو بننسى انو انحن بشر وبقينا بنحكم علي بعض وبنشوف باب الطلاق اقرب من باب الصلح وانو بننسى انو انحن في الدنيا ما في الجنة وانو هدفنا الاساسي شنو مابي الضرورة الا العلاقة تنجح الفكرة دي البكون متسالم معاها بقدر يحافظ علي زواجو وانو لو حاولت هسي ممكن احاول تاني بعد اسبوع وتاني بعد سنة وممكن نحاول بعد 5 سنة لحدددددي ... معليش مافي عدد فرص في الزواج فا لحدي نهاية العمر لانو دا الميثاق الغليظ. فا اتقو الله انتم في الدنيا ولستم في الجنة ولا تتوقعو الكثيرا حفاظا علي افئدتكم . اذا لم تكون سعيد قبل الزواج !؟ الزواج لن يجلعك سعيدا افهمو زاتكم وتاملو فيها افهمو رغباتكم وتعرفو عليها هدفنا هو اعمار الارض اما بي النسبة لي ناس التطبيق اعرضو عيوبكم لان لانو مافي زول بقدر يقدم احسن شي عندو طول ا