Midnight87

بسم الله ، متدين ، بسيط ، هاديء ، حزين أحيانا 💔 ، مسللم امرى لله ، أولا وخيرا ، ليقضى فيه بما يشاء .الملك ملكه واحنا من ملكه ، وهو ارحم بنا من انفسنا وان قست الحياة ، بحب الكرتون ، بس كده ، الزواج جوهر قبل كونه مظهر ، الزواج تكامل وانسجام ، يعنى فى حاجه ناقصه جواك الزواج بيكملهالك ، يعنى مفيش حد بيكملنى غيرك انتى ، وده دليل انك هتكونى الوحيده فى حياتى ، ان شاء الله ، لإن هيكون عندى اكتفاء ذاتى بيكى ، بس المهم اختارك صح ، المهم تكونى انتى ، متكونيش حد تانى ، فساعدينى ان انا اوصللك ، ولو لاحظتى ، هتلاقى تشابه الصفات ما بينا وهو ده المطلوب لازم حد شبهك ، لإن الانسجام بيكون من البدايه . لو فى أي ملاحظه من منظورك كفتاه ، تساعدنى ان اقدر اوصللك ، ممكن تبلغينى بيها ، تقربى المسافات يعنى ، انتى داخله هنا للزواج وانا داخل هنا للزواج ، وهي دى البدايه ، واول تشابه ما بينا ، الزواج زي الميلاد هو مره واحده فى العمر ، عشان يبقى جنه ان شاء الله ، لازم تشوفى حد شبهك ، حد يفهمك ، حد يحس بيكى ، تضحكوا مع بعض وتبكوا مع بعض ، الرجل أو المرأة بدون زواج عامل زي الشمعه المضاءه ، حين ما يتزوج أو تتزوج بتصبح الشمعه دى داخل سراج ، فبتفضل مضاءه لأطول فتره ممكنه ، لإنها محميه من عوامل التعريه زي الهواء والتراب والشمس ، وكللهم خطر عليها ، فبيصبح الزواج صمام امان لبقاء الانسان لاطول فتره ممكنه ، لإن ببساطه ، هناك يدا ترعاه ، بعد يدى الله ، وده منظور عام للرجل وللمرأه ، بشرط حسن الإختيار ، اضافة لأن الزواج ، مشروع للإستمرارية ، يعنى للخلود مش للكام يوم بتوع الدنيا دول ، لأ ، ده مشروع ابدى ، لو تخيلتيه كده ، هتفكرى كويس ترتبطى بمين ، فمضيعنيش من ايدك لو شيفانى شبهك ، والنيه هي الفيصل خلى نيتك خير ، وربنا هيكفئك خير ، بمعنى تانى الزواج نيه ، خليكى طيبه ، متخليش قسوة الحياه وسلبيتها تغييرك وتخليكى حد تانى ، ومتخليش اي شيء خارجى يحدد هويتك أو قناعتك الداخليه ، التفكير هو اللى بيتعب ، انما تسليم الامر لله هو اللى بيريح ، احنا هنا عاملين زي اللى فى البحر منعرفش هنغرق ولا هننجوا ، فنسلم امرنا لله ، وزي ما تيجى تيجى هي دى قناعتى ، واللى بيعمل خير ربنا مبينسهوش ، قل الخير ده او كتر ربنا مبينساهوش وبيكافؤا عليه ، فى الدنيا والأخره ، اللى يفهم كده مش هيتعب ، وهيبطل تفكير فى الدنيا ، بس دى عايزه إنسان ، مؤمن ، صابر ، محتسب ، ياه على الراحه ، الحمد لله ده نهجى ، اتمسكى بأصلك الطيب ومتتغيريش لحد ما ربنا يبعتلك ابن الحلال اللى يخفف عنك ، دورى على الحنيين ، لان كلنا محتاجبن ده ، لإن كلنا اطفال حتى لو كبرنا ، عشان كده حد شبهك ، عشان كده حد شبهي ، بس كده ، الخلافات بتحصل ليه فى البيوت ، عشان كل واحد مشعارف دوره فبيقوم بدور غيره عن غير قصد ، قاعدة التعامل مع المرأة سواء بنت او اخت او ام او زوجه ، رفقا بالقوارير ، قاعدة التعامل مع الرجل سواء ابن او اخ او اب او زوج ، الإحتواء ، قاعدة التعامل بين الطرفين ، تقوى الله وما أوصى به ، أي الموده والرحمه ، طاعة لله عز وجل ، واقتداء بهدي النبي الكريم فى تعامله مع اهله ، حينما قال خيركم خيركم لأهله، وأنا خيركم لأهلي ، أي اقتدو بي وتأسوا بى ، شوفونى بعامل زوجاتي ازاي وعاملوهم زي ما انا ما بعاملهم ، وكذلك الحب الحلال اللى بينشأ بين الطرفين ، اللى هو بعد الزواج يعنى ، بيفرق كتير فى حياتهم ، لو كل واحد قام بدوره وبما عليه ، الأمور هتسير بسلاسه ، على الطرفين واجبات يؤدوها الأول ، هيلاقوا حقوقهم بتترد ليهم تلقائى ، الشرط الوحيد عشان الأمر ده ينجح ، انا مش بعمل كده عشان يتردلى ، انا بعمل كده لله ، ربنا هيحاسبنى فبأدى ما عليا ، عشان كده قولنا تقوي الله ، ومفيش انسان مطيع لله بيتظلم أو حقه بيضيع ، الموضوع كله اختبار ، زي ما قال ربنا ، ليبلوا بعضكم ببعض ، فالقلب اللى مع ربنا ، ساكن ، ومرتاح ، لأن عمله لله ، واللى فيه لله مبيضعش ، خليكى مع ربنا ومتشليش هم تطلع تنزل تيجى متجيش مشفارقه ، احنا مكانا مش هنا ، احنا مكانا هناك فوق ، انما هنا بنحاول نثبت لربنا ان احنا كويسين الأمر كله اختبار ، محتاج مننا الثبات على المباديء والقيم اللى بتحدد هوية الإنسان ، واللى هي تعاليم دينه ، عشان ربنا يكافئنا خير ، ان شاء الله ، آدى قصة الحياه باختصار ، بما فيها الزواج ، ملحوظه اقرأي واستفادى حتى لو مش هتتواصلى ، شيء ينفعك انتى فى حياتك ، عشان تختارى صح ، ويكون عندك وعي ذاتي ، وحصانه ، من تبعات سوء الإختيار ، الشقه موجوده ملك ، وكله من فضل الله عليا ، حزين احيانا أو حزينه احيانا ، ده مش اكتئاب ده امر طبيعي فى حياتنا كبشر ، ولازم يحصل ، لاننا نملك عواطف مش جماد ، فلازم نرفق بنفسنا ونتعامل معاه ، سبحانك اللهم ربنا وبحمدك ، أشهد أن لا إله إلا أنت ، أستغفرك وأتوب إليك .