سندس حميدة

ملاحظة-- اقروا ملاحظتي قبل أي حد يتواصل معاي.. المودة اعطونا خيارات على اللون البشرة وانا اخترت اللون أسمر فاتح ...فكل مرة حد يتواصل معاي يسألني بعد نكملوا شووووووط من التواصل يسألني عن اللون ...فمش معقولة سؤالكم متأخر جدا !!!ومش معقولة ماتعرفوش أسمر فاتح شنو يعني !!!! الاسمر فاتح لون شكلاطي...بالله منبيش حد يسألني ....أنا من عيلة أصل وأحسب ونسب وإنت الي مركز على بشرتي توقع أهلي يرفضوك فاللون مش هو معيار القبول أو الرفض اني ليبية أو لا ...اسال شنو اسم قبيلتي اسال لمن ترجعوا !!!....الحق مستغربة جداااااً منكم ! والي مش عاجبه لون بشرتي ويحسب حسبة لي عيلته لا يتواصل معاي ...لا تضيع وقتي في الحوار الغير هادف...فالاخبار تقولي بياناتك ممتازة واي شاب يتمناك لكن البشرة أهلي والعرف وووو مش مقبول عندكم ....إذا من البداية لا تتواصل معاي ! والا ماسامحتكم..وشكراً... الملاحظة الثانية -- أي حد صفحنهم مش موضح فيها بياناته الحقيقية أنا عندي أعتبره كذّاااب..وخااااصةحالة الاجتماعية والاطفال ... زيما إنت تواصلت معاي لأنه عجباتك بياناتي حتى أنا لما تقرأ نتواصل معاك ع اساس بياناتك كويسة ...وننصدم منك بعدين تقولي لا أنا متزوج وعندي صغار أو أنا مطلق وعندي صغار ..أو أنا أرمل وعندي صغار ..لا تضيع وقتك ووقتي يخليكم واضحات مثلا نحن النساء ...مش معقولة راجل ويلف ويدور ويبي المرأة تتعلق به قبل لا يوضح أنه عنده صغار ..ولا متزوج ...والله عيب عليكم ...ولو كلكم على نفس العقلية تسكيرت حسابي أفضل لي والله.فأتقوا الله وبطلوا الكذب ، مع إحترامي للقلة المحترمة والشفافة ..وشكرا......... رجل يعطف على المرأة ويحترمها يقدرها ويحميها بقوته. ملاحظة مهمة للجميع-- أنا مش داخلو للموقع علشان ندير علاقات عابرة وكساد.ضاربني......يعني مش مكسدة ولا نمشي في الوقت ...اي حد هذا تفكيره مايراسلنيش ...