سلطان القحطا ني

بسيط هادي سهل التعامل لين الجانب ما احب التعقيد والتصعيب واحب الوضوح والصراحة والصدق. مبتعد عن الصخب واللغو ديرتي الرين -190 كيلو عن الرياض- لكني ساكن بالدمام. بفضل اللَّه عز وجل ما اتابع مسلسلات وافلام ولا كورة ولا اطلع استراحات ولا اسمع اغاني ولا اشيش ولا افيب ولا مواقع الأدمان الاجتماعي❌ الا واتساب ويوتيوب فقط للتواصل مع الأهل وللتعلم✅. ولاسوني ولا اتابع انمي .ضابط للغضب بشكل محكم وبطيئ الغضب اصلا ما اعصب الا نادرًا. والتفاهم والصبر مقدم دائما. شبه بيتوتي لاني ما احب اروح الكوفيهات والاماكن اللي فيها اختلاط وموسيقى الا لحاجة واحب اروح اماكن رايقة وامسك خطوط سفر طويلة ومعي دلة الشاهي او الحليب مع مكسرات [: واشغل مقاطع تنفع. قادر على توفير سكن مستقل -مو بنفسي انما بمساعدة قريب لي انا مازلت طالب وابي العفاف. ومعي سيارة 23. ماعندي مشكلة انتقل لمنطقة ثانية الزوجة الطيبة ياقوتة نادرة اجيها لو بالقمر. احب التيسير ولاني بمتشدد -بالمعنى الصحيح اللي هو تحريم الحلال والغلو في الدين- احب الهدو ولا اداني الصياح.احب الرفق وليونة الجانب ولا احب القسوة وصعوبة التعامل سواء مني او من غيري. احب حسن الظن ولا اداني سوء الظن ابدا . ادور بنت الحلال المزيونة السنعة الذكية. احب الكتب خصوصا الشرعية والمالية ولا احب الروايات. احب التشارك بشغل البيت كغسيل الحوش والمواعين وتكنيس البيت وغسل الملابس وما احب اتبطح واعرف اطبخ. احب القطط عندي قطوتين نايمين بحضني ونا اكتب.