أنتى عنوانى

أعلم أن كثيرا من اخواتنا البنات فى الموقع أصابهم الاحباط و اقتربوا من فقدان الامل فى العثور على الزوج الجاد وعارف أن بعض الرجاله الموجودين بالموقع لم يتركوا لنا المجال علشان نعبر عن انفسنا انا هنا هتكلم عن نفسى انا مريت بتجربه ولكن ربنا لم يكتب لها النجاح ولكن ده ميعنيش انى ده نهايه الطريق مش معنى ان تجربه لم يكتب لها النجاح يبقى خلاص كدا لا طبعا لانى واثق ان ده قدر ربنا وده برده مش معناه انى انسان وحش بالعكس انا باذن الله هستفيد من تجربتى الاولى لنجاح تجربتى التانيه بس انا مش عارف البنات بتحكم على الانسان ازاى من خلال البروفيل طيب لو بياناتى مناسبه ليه منتكلمش وتشوف الانسان ده على الطبيعه وتتحاور معاه نظام الموقع هنا خلى الرجاله ممنوعه من ارسال الرسايل واقصى ميزه لينا اننا نقدر نضيف اى بروفيل عجبنا الى قائمه اهتمامنا وخلاص كدا شكرا وباقى الموضوع على البنت لازم هى اللى تبعت الرساله اللى بيحصل ان فيه بروفيل بياناته عجبتى وبحس انها مناسبه ليا وبدخله اكتر من مره طيب اعمل ايه تانى ؟؟؟؟؟؟؟؟؟؟؟؟؟؟ انا انسان مسلم ولله الحمد وبشتغل فى شغل محترم وكويس كل اللى بحلم بيه انسانه بمعنى الكلمه انسااااااااانه وبس يمكن فيا عيوب اقل ما فيها ان دايما بحلم بانسانه تكون لى الام والاخت والصديقه والزوجه والعشيقه حاجه كده تقدرى تقولى كوكتيل ادعولى الاقيها هنا اه نسيت اكيد بتسالى دلوقتى بينك وبين نفسك عن البلد اللى انا فيها معرفها ش بس انا فى بلد عربى بشتغل وبكافح زى كل الشباب المصرى اللى هجوا من البلد قبل وبعد الثوره