sss1991

بالنسبة لنفسي أحب أبدأ بأني غير كويتية انا عراقية وامي كويتية بالتاسيس وانا مولودة وعايشة بالكويت و٩٠٪؜ من اهلي كويتيين ودارسة بمدارس حكومية وحاليا انا قاعدة اكمل دراسة بكالريوس ادارة أعمال ، للامانة انا طموحة جدا وهالشي يتعبني لأن مرات أطق بريك صراحة ، وعندي بنت وحدة بحظانتي وأبيها تكون معاي اذا الله رزقني بالنصيب الصالح ، ابوها ما يدري عنها شبه نهائيا ، انا تزوجت مرتين وسبب طلاقي ان الاول كان يتعمد اهانتي واهانة اهلي ويطقني بدون سبب ، شفتوا الافلام والمسلسلات اللي تشوفونها؟ اي هذي انا والافلام تكون واقعية احيانا والحمدلله تطلقت ، اما الثاني اذا ما يدري عن بنته شنو ممكن يكون في وصف اكثر من جذي غير انه ما يصلي ولا يصوم وينكر جميع تصرفاته الشنيعة في شرب الخمر ومرافقة الناس السيئة وغير انه يبوق فالبتالي صار خلع ، هذي نبذة عن اسباب طلاقي ، وبالنسبة لأطباعي في منها الزين وفي منها الشي أكيد بس بتكلم عن الزين و هو اني حنونة لو احاول اعاقب أحد بس قلبي ما يطاوعني مع الاسف ، احاول اوصل لهدفي رغم اني ادش بالطوف وايد بس عادي الحياة تبي جذي ، انسانة هادية احب الاجواء المتغيرة والروتين يقتلني صراحة ، احب اسوي شي انا مقتنعة ومحد يضغط علي بشي ، ووو بس قرقت وايد .. اي نسيت شي ترى انا مو سمبتيك حق اللي يقول ابي وحدة ضعيفة ورشيقة وتلعب رياضة وجمال وبياض حسباله ماخذ روسية انا حيل وحدة عادية متروسة وسمرة بس سماري فاتح انا اذا كشخت رحت الممشى اقصص على نفسي وأكفر عن ذنب المجابيس والوجبات السريعة بس هم ماكو فايدة.. عشان جذي اللي يبيني راح يتقبلني بمحاسني وعيوبي واللي ما يتقبلني مو مجبور انه يكلف على عمره ويقولي في مجال نتعرف لان ردي بكل بساطة الحقرااااان.. ان شاء الله ما اكون نسيت شي وشكرا