Zara ahmed

الحظ الحلو في حياه اي بنت عامه هي أن ربنا ينعم عليها براجل بجد ، اصل الكلمه دي مينفعش تتقال لأي حد ، راجل يعني إنسان يبقا شايفها أعظم وأهم انتصاراته ، مش هقول بيحبها لأني أدركت أن الحب مش كافي ولا يعني شيء ، هقول إنسان يفهمها ويقدرها ويحترمها ويصونها، ويعرف حدوده معاها ويتقي ربنا فيها ويخاف في تعاملاته معاها انو يغضب ربنا فتكون النتيجه ان ربنا يحرمه منها ، حنين عليها ومبيهونش عليه زعلها ، بيدللها زي الطفله ، بيعرف امتى يشد وامتى يرخي، يقدر يعني ايه بنت اتربت في بيت ومع اسره من اب وام وأخوات كانوا لها الدفا والأمان والحنان وفجأة هتسيب كل دول وتبقا معاك انت ، فيراعي دا ويبقا لها أمان واطمئنان، يطمن خوفها لما تخاف من الحياه الجديده معاه علشان مبيبقاش سهل خالص والله ، بنات كتير بتتجوز وكل يوم بس قليل اوي لما تلاقي بنت ربنا رزقها براجل بجد فيه المواصفات دي ،