اماراتي متفائل

السلام عليكم سبق لي الزواج بشكل تقليدي ولم اوفق. وبصراحة لا اود تكرار هذه التجربة. ابحث عن علاقة مع اي انسانة يجمعني فيها التفاهم والانجذاب والحب و الانسجام بحيث يكون بينا صداقة وحب وكل شي مع الوقت. غير مستعجل للزواج ولا افكر فيه حاليا، لكني مب متعقد منه و اكيد برد افكر فيه لو كان عندي حد يستاهل. والي بيسالني عن هدفي من العلاقة اكيد ارتباط عالمدى الطويل لكن قصدي اني مب مستعيل. ولو ابا العب ما بدخل هالموقع. الي موسوسة ولا متعقدة لا تكلمني. ابا انسانة ناضجة سواء كبيرة بالسن او صغيرة المهم مب ياهلة. وياحبذا لو مطلقة مثلي لكن مب شرط بس اكيد بتعرف شعور الريال المطلق. انا صحيح متحرر وابا علاقة خارج نطاق الزواج وبامكاني احصل هالشي بكل سهولة لان كثير جي في مجتمعنا عايشين بس انا مابا علاقة للتسلية ابا علاقة تخليني احب وتخليني مكتفي وتضمن ان نصي اكتمل بقربها. امكن ما تفهم بعض البنات هالكلام. مالومهن لكن اكيد في حد مثلي. ماريد التزام لا لها ولا لي نبدا اصدقاء ونشوف مجرى الامور. واذا تطورت الامور بكون بكبري لها. اهم شي تكون فيها مزيج الانوثة الاستقلالية و تقدر الريال الي يهتم فيها وتهتم فيه واهم شي تكون محاورة وذكية و تاخذ وتعطي ما احب البنات التافهات. ابا لو قررنا نسولف بموضوع نستمتع بالحوار. هذا لا يقلل من انوثتها ولا من رجولتي. ساعات احس الطبيبات فيهم اغلب هالصفات ههههه الا الانوثة ما يخصه هالمسالة شخصية وما تبين الا لما تكلمي الشخص. عموما انا ريال اؤمن بالحب. رغم تجربتي ومتفائل واريد احب واعشق واعطي قلبي لوحدة بس بشرط تكون تستاهل. والمعذرة على هالطلب لكني رياضي و اريد وحدة مب متينة اما رياضية او ضعيفة حتى لو هيكل عظمي ماعندي مانع المهم مب متينة. ومب قصور فيهن لكن تفضيل شخصي و السموحة خواتي عالاطالة.