حديث روحى

فى البدايه اى اخت هتقرأ بروفيلى لازم تجهز الاتى 1_ كبايه شاى العروسه وتكون تقيله لازم شاى العروسه يا جماعه لان شاى العالمين انضرب وبقى مغشوش 2_ شريط كامل ريفو او نوفالجين ويفضل بنادول اكستر علشان الصداع 3_ لازم تربط دماغها بأيشرب لا يقل عن نص متر بما انى مختلف طبعا ودى ممكن كل البنات تحسبها غرور لازم يكون بروفيلى مختلف طبعا بمان كل الناس اول جمله بتقولها انها مش عارفه تتكلم عن نفسها قال ايه شهادتهم هتكون مجروحه طيب ليه يعنى هو فيه حد هيعرف الانسان اكتر من نفسه انا فى الاول جربت الفلسفه وعملت فيها جان جاك روسو وفضلت اتكلم يجى ساعه ومحدش هوب على البروفيل قلت اشرب جهينه واتكلم طبيعى احسن يمكن ربنا يكرم والاقى بنت الحلال أولا انا انسان خاض تجربه احمد لله كثيرا عليها وان كانت خسائرها كتير لكن برده استفدت منها كتير انا بكره الاهلى مبدئيا ولو صاحبه النصيب اهلاويه يبقى ربنا بقى بينتقم منى اهلاويه فى البيت واهلاويه فى الشغل واهلاويه حتى فى الحلم انا بقيت بحلم بالاهلى الكوابيس هتموتنى ياريت لو اهلاويه انا معنديش مانع بس لازم تراعى الحاله الصحيه لواحد زملكاوى غلاب زى ياريت متكونش رفيعه اوووى لانى بجد بقلق من الرفيعين يعنى من 55 مفيش مانع بس تجيب معاها فى جهازها ماسيجور ده اقراص فاتح للشهيه على فكره لانى هستلمها على الميزان هههههه قبل الفرح ياريت تكون مثقفه علشان لو ربنا اكرمنا بولد وفى يوم سألها مين اخوات كان تعرف ترد عليه مش تقوله كان طول عمرها وحدانيه و ملهاش اخوات لان مامتها ماتت صغيره ومش معنى انها مثقفه يبقى اول ما ادخل البيت تقولى النشره حصل فيها ايه عوزها تكون ثورجيه بس فى بيتها ومع اولادها مش بتعمل ثوره على نظام البيت وتفضل تقولى الشعب يريد اسقاط النظام ساعتها هخنقها عايزها طيبه وشريره وحنينه وقاسيه وهاديه ونرفوزه عايز ها تكون جامعه كل حاجه فى شخصيتها دى جوازه العمر يا جماعه ومش كل شويه هضرب على قفايا بالنسبه لحالتها الماديه لازم يكون عندها ما لا يقل عن 1000 فدان لو 999 فدان متدخلش على بروفيلى عموما دول شويه حجات من المواصفات اللى عيزها فى شريكه حياتى ولسه طبعا فيه تانى بس انا مش عايزك تصدعى ولا تملى بس ان جيتى للحق انا مليت من البروفيل الفقر ده والله ههههههههه