- ID Du Membre 10026540
- Dernière Date De Connexion il y a un mois
- Date D'inscription il y a 2 mois
Nationalité, Résidence et Statut Familial
- Nationalité Égypte
- Pays De Résidence Égypte Cairo
- Situation Familiale 26 ans Célibataire
Sans enfants - Type De Mariage Une seule épouse
- Engagement Religieux Religieuse
- Prière Je prie régulièrement
Santé Et Apparence
- Couleur De Peau Blanc
- Taille Et Poids 165 cm , 69 kg
- Forme Du Corps Silhouette sportive
- État de santé En bonne santé
- Tabagisme Non
- Voile Voilée - visage visible
Études Et Profession
- Niveau D'étude Études universitaires
- Secteur D'emploi Ventes et marketing
- Emploi CRM
- Revenu Mensuel Je préfère ne pas dire
- Situation Financière Classe moyenne
À Propos De Moi
-
هحاول أقول المعلومات الأساسية عني علشان برضو ما اكونش بضيع وقت حد معايا ع الفاضي.. اسمي ندى عندي ٢٦ سنة، من القاهرة، خريجة آداب لغات القاهرة دفعة ٢٠٢٠، اشتغلت بعد ما اتخرجت علطول مدرسة دين ف مدرسة لغات، سيبت الشغل بعد فترة قصيرة واستقريت ف البيت، اصلا مش من الفيمينيست ومش بحب الشغل للبنت عامة إلا لو فيه ضرورة، لسه نازلة شغل من شهر تقريبا، وده برضو مش علشان الشغل نفسه، ولكن كنت محتاجة اتعامل مع ناس جديدة، اتعلم حاجة جديدة، اعمل اي اكشن ف حياتي يعني، والشغل ده برضو بشكل مؤقت وهسيبه وهرجع مملكتي عادي جدا😅 .. و guess what ما ارتبطتش قبل كدا لا خطوبة ولا غيره علشان السؤال ده مهم وبيتكرر🤝 ..أما عن هواياتي: بحب القراءة والتصوير خاصة تصوير الطبيعة، بحب الرسم، والانيميشن، بحب السما والنيل وما قولتش بحر بدل النيل علشان مش بروح بحر علشان احبه😅🤝 ..مش مدمنة سوشيال ميديا ولا حتى التليفزيون ..بس لما بيجي ع بالي اتفرج ع حاجة بيكون افلام اجنبي اكشن كوميدي رومانسي ورعب عادي برضو 😂.. بحب افلام الانيميشن كمان ..صفاتي: طيبة وهادية ف الطبيعي، مجنونة مع الاشخاص المفضلين، بحب الضحك، والهزار، مبحبش النكد بس لو جه فأهلا بيه 😂.. بحب الهدوء والضلمة بس يكون فيه نور حاجة بسيطة كدا.. بحب البيتزا والاكل برا البيت، مش علشان مش بطبخ ابسولوتلي لا 🤭😅 ..الحمد لله شاطرة وبتعلم بسرعة ولما جربت اطبخ كذا حاجة بتطلع حلوة، ما تقلقش يعني مش هجوعك 🤝😅.. وزي ما كنت بكتب عن مواصفاتك فأكيد المواصفات دي هي فيا أنا كمان زي مثلاً بعرف ربنا وبحبه وبصلي دايما وبحاول أحافظ ع الفجر ف معاده مش مجرد اصليه لما اصحى وخلاص، عندي قيمي ومبادئي، محافظة ومتحفظة زي ما بيتقال عليا ومش بنكر ده بالعكس حاجة افتخر بيها، عارفة يعني ايه بنت او بشكل ادق أعرف معنى أنثى مع الناس الغريبة تتعامل ازاي وكمان مع الشخص اللي هيتقفل علينا باب بيت واحد تكون ازاي، فأنت لو هتجرب تفتح اي باب معايا قبل أوانه يبقى بتخسرني بدري، انا مش باردة ولا عديمة مشاعر واحساس، انا انسانة طبيعية اهلها ربوها وقبل ما تخاف او حتى تعمل حساب لاهلها ف ضهرهم، هي مدركة كويس ان اللي شايفها ف كل وقت ومطلع عليها أهم من اي حد وهو أولى بالخوف وكمان عارفة قيمة نفسها كويس.. وأنا هنا مش علشان اتسلى ولا اضيع وقت، انا هنا بحاول اعمل اللي عليا من خلال المتاح علشان اقابل الشخص الصح اللي احس انه هو ده اللي يستحق اكمل الباقي من حياتي معاه.. واتمنى تكون الشخص اللي يتفهم ده ..واسفة لو طولت عليك طبعا اذا قرأت كل كلامي مش اختصرته علشان عارفة الحركات دي😂
À Propos De Mon Partenaire
-
السلام عليكم، ازيك؟ إن شاء الله تكون في أفضل حال😊 .. حبيت ابدأ الكلام اللي بتقرأه حالا ده بالسلام؛ لأني هنا علشان الاقيه يكون متلخص فيك .. أنا مش بدور على فارس أحلام وجوده مجرد خيال، ولا معاه عصا سحرية ويكون وظيفته ف حياتي إنه يحققلي أحلامي والمستحيلات، لا خالص، أنا عاوزاك إنسان بمعنى الكلمة، رجل متحمل المسئولية، مستوعب ومدرك كويس معنى القوامة، ومش بيطبق منها بس الجزء اللي يرضي غروره ويفرض بيه قوته عليا، إنسان عنده مباديء وقيم مهما حصل حواليه مش ممكن يتخلى عنها علشان يرضي الناس ويكسب نظرة مجتمع أغلبه مريض نفسيا وفكريا.. لو كلامي يبدو ليك دلوقتي كبير وأوڤر يبقى الكلام ده مش ليك أنت وعادي اعمل Skip ولكن برضو شكرا ليك إنك قرأت كلامي لحد هنا .. أما باقي المواصفات فهي كتير الصراحة 😂 بس هحاول أقول أهمهم..مثلا، تكون بتعرف ربنا، بتحاول وبتجتهد تؤدي اللي عليك تجاهه، بتراقبه ف أفعالك وكلامك، الحرام بالنسبالك قبل العيب، بتصلي دي حاجة أساسية وطبيعية كمسلم مش صفة زي ما الناس دلوقتي خليتها ميزة، بتقرأ أو عندك استعداد للقراءة ف أي وقت علشان هنحتاجها🤝😅، عندك استعداد دايما تطور من نفسك ومن اللي حواليك للأفضل، متعاون، متفاهم، مرح طبعا ودمك خفيف أهم حاجة😅، طويل، ويفضل تكون اسمراني شوية، ابن ناس طيبين بيفهموا ف الأصول والواجب، وطبعا مش هنستقر معاهم حقنا للدماء😅 وحفظا للود، ما تكونش اتكالي، ولا متسلط، ولا عصبي على الفاضي والمليان، غيور وأكيد بشكل مقبول.. دول اللي ع بالي دلوقتي اكيد لو اتكلمنا وكان فيه قبول بينا هنعرف الباقي مع بعض.. بس أهم حاجة تكون فعلاً شخص جد وما تضيعش وقتي ووقتك ع الفاضي.. وعن نفسي بمجرد ما هتبعتلي بعد ما تكون قرأت الكلام ده هعتبرك جد ونيتك كويسه.. بس لو اكتشفت غير كدا، فحقيقي أنا مش مسامحه🤝