سفير بلا سفارة.

السلام عليكم ورحمة الله وبركاته. اسمحوا لي اكتب بعفوية بدون كلام منمق ومصفصف ومزخرف! انا رجال ادور الحلال وابغى اتزوج ثانية ماهو عيب ولاقصور بالزوجة الاولى، لكن لي رغبة ولاهي نزوة ولها اسبابها ودوافعها واهمها اعفاف النفس بالحلال ورغبة بالذرية اسأل الله ان يرزقني وياكم الذرية الطيبة الصالحة. بالنسبة لرغبتي بمواصفات الزوجة -ابي واتمنى وباب الرجاء مفتوح والله اعلم مافي النفس من رغبات وطموحات- ودي وليت كل شي يكون مثل ماهو ودي! ببساطة ؟ بصراحه؟ احب الجمال وابحث عنه ، لكن والله عندي اهم هو البنت الي محافظة على صلاتها وعبادتها وحافظة نفسها انها اجمل بنت بالكون عندي ،يكفي ان صلتها مع الله دائمة. نقطة مهمة بصراحة اتمناها احد الأمرين الأولى اما تكون متقبله تقبل كلي وبقناعة تامه التعدد ومتفهمه لظروف العمل والمنزل الاخر . او تكون موظفه ولها حياتها العملية الي تشغلها بنفسها. يعني بالمختصر مابي وحده طموحها اني اقابلها طول الاسبوع ٢٤ ساعة . علماً بأن لي مساحتي الخاصة واحب من يحترمها 🌸