amr_sa

سبق ليا الزواج من اجنبية لفترة قصيرة جدا حوالى 4 شهور وتم الطلاق لاسباب يستحيل معها استكمال الزواج، من ضمن الاسباب الكذب، عدم الاحترام والتقدير عدم الاحساس بالامان البرود العاطفى والحرمان الجنسى، اعتبر كأنى متجوزتش ولا اتهنيت عامل زى اللى ملحقش يدوق العسل، رغم صبرى عليها وحرصى الشديد لاستمرار وانجاح الزواج لكن تجربة الزواج الفاشل قاسية و الحمد لله على كل شئ وانى مكنتش السبب فى الطلاق، واهى تجربة اتعلمت منها كتير، معنديش مانع اتزوج واحدة اكبر منى سنا، طليقتى اكبر منى ب 3 سنوات والسن ميفرقش حاجة فى الزواج مش زى الافكار الهبلة اللى بيروجوها انا دكر و راجل فخور برجولتى وشخصية قيادية غير خاضع الا بمزاجى انا، اعتز برجولتى وهويتى المصرية جدا بالرغم من حبى للسفر، اهم حاجة يكون فى مودة وعشرة وحب واهتمام وألفه وصراحة، انا راجل غيور شرقى اهتم بصحتى وجسمى وبمارس رياضة واحافظ على جسم رياضى ومعضل يعكس شخصيتى و رجولتى رومانسى وعاطفى حساس وحنون شخصية قوية بس مرن فى نفس الوقت مزيج من شخصيات مختلفة مضروبة فى الخلاط، عنيد جدا للوصول لاهدافى، بحب المشى جدا جدا والتعلم وتطوير الذات وتعلم اللغات، معايا ماجستير من خارج مصر، ذكى واحب استمرار التعلم ومهتم بالاعمال والاستثمار والبزنس، بدأت فعليا فى الاستثمار بجانب شغلى كمهندس وحاليا بنمى استثمارى على قد ما اقدر عشان اقف على ارض صلبة ، وبخطط لتأسيس شركة وبزنس خاص ان شاء الله عن قريب والتوسع خارجيا مستقبلا، بحب السفر ومتأقلم مع بيئات مختلفة واجواء مختلفة، امين خفيف الدم واحب الضحك والهزار، محترم ومهندم واحب اهتم بلبسى واناقتى، بحب اقتناء البرفانات الاصلى الخليجية وبفضل العود الكمبودى، احب يكون ليا بريستيج و مختلف عن الناس، بساعد اى حد يطلب مساعدتى واحب اخراج الصدقات جدا، غيور وبقدس الزوجة جدا جدا واعشق انوثتها و التراب اللى تدوس عليه، احب ادلعها الاعبها واهتم برضاها واعتبرها وطنى وملجأى