عبدالرحمن 1417

أنا إنسان بسيط وعلى طبيعتي، أقدّر الهدوء، وأرتاح للوضوح، وأحب أمشي في حياتي بتوازن واحترام. الحمد لله أعرف اللي لي واللي علي، وأسعى دايم أن أكون مستقيم في ديني وأخلاقي، وأسأل الله أن يرزقني الثبات والطاعة. قلبي متعلق بأهل الخير، وأرتاح بمجالسهم، حتى لو ما كنت طالب علم، لكن أحب القُربة من أهل الصلاح، وأشوف هالنوع من المجالس فيه بركة وراحة للنفس. أحب الحياة الهادية، البعيدة عن الزعل وكثرة المشاكل، وأشوف إن الاحترام هو الأساس، سواء بين الرجل وأهله، أو بينه وبين الناس عمومًا. وأطمح أن يكون بيتي مليان سكينة ومودة وتفاهم، و كل طرف يراعي الثاني، ونتعاون على البر و التقوى. من طبعي إني وسيع صدر، وأحب الضحك والوناسة إذا كان لها وقتها، وأتجنب العصبية وردة الفعل السريعة، وأميل للحكمة والتأني في المواقف. علاقتي بأهلي طيبة، والحمد لله لي مكانة عندهم، وأحرص دايم أكون قدوة طيبة قدامهم. أنا ما أحب السفر خارج السعودية، ومرتاح بأهلي وناسي. ومن الأمور اللي أحرص عليها في بيتي، إن الصور ذات الأرواح ما يكون لها وجود، حرصًا على التوجيه النبوي وطلبًا للسكينة والبركة. وبرضه، ما أقبل بأي استهزاء بالدين أو التهاون بالشعائر، حتى لو من باب المزح، لأن الدين له مكانة عظيمة في قلبي، وهو خط أحمر بالنسبة لي. ومن هواياتي اللي أحبها، الطبخ. أستمتع فيه وألقى راحتي، خصوصًا إذا طبخت كبسة على مزاج، وأحب أشوف أثرها على اللي حولي، وأشوف إن هالأشياء البسيطة تقوّي جو الألفة داخل البيت. أحب أعيش على هدي النبي ﷺ، وأعمل بحديثه: “خيركم خيركم لأهله، وأنا خيركم لأهلي. هذي لمحة عني، وأسأل الله أن يختار لي الخير، ويوفقني لكل ما يحب ويرضى إنه جواد كريم.