ام سارية

والله الا بيّن الكُبر فيني وانا احسب ان عمري لهالحين عشرين راحت بغمضة عين زهرة سنيني ولا انطحن حب براسي لهالحين بغيت ازينها .... وعيت تزيني تعبت اقول بخاطري باكر تزين اركض ورى دنياي واهملت ديني وان مر طاري الاخرة قلت ممدين طول الامل يلعب على الغافليني اللي يحسبون انهم دوم حيين الموت لو يستاذن الميتيني اهل المعاصي ما يموتون عاصين ان كان ما جا الحين جا بعد حيني يا حظ من هو حاسب حسابها زين على المساجد يسبق المذنيني وان غاب له فرض فقدوه المصلين اللي يبي الثنتين دنيا وديني يفوز بالثنتين ..لا قدم الدين اخير منها بالسحر ركعتيني قد قالها ابن حميد قبلي من سنين من جربوها لذة المؤمنيني في ذمتي ما يغبطون السلاطين لا والله الا بيّن الشيب فيني وانا احسب ان عمري لهالحين عشرين